Kompania Rajonale e Ujësjellësit “Hidromorava” Sh.A. (në vijim “Hidromorava”) është ndërmarrje publike rajonale që ofron shërbime të furnizimit me ujë të pijshëm dhe shërbime të kanalizimit për qytetarët.
Ky njoftim i politikave të privatësisë bëhet në përputhje me Ligjin Nr. 06/L-082 për Mbrojtjen e të Dhënave Personale, me të cilin ju informojmë se Hidromorava mbledh dhe përpunon të dhënat tuaja personale vetëm për qëllime të caktuara dhe në harmoni me legjislacionin në fuqi.
Hidromorava, në cilësinë e kontrolluesit të të dhënave, ka vendosur masa të sigurisë për të garantuar se të dhënat tuaja përpunohen në mënyrë të drejtë, ligjshme dhe transparente.
Ky dokument ofron informata të përgjithshme mbi përpunimin e të dhënave personale nga Hidromorava. Politikat e privatësisë mund të përditësohen herë pas here, dhe çdo ndryshim do të publikohet në këtë faqe. Ju inkurajojmë që të vizitoni rregullisht këtë dokument për të qenë të informuar mbi ndryshimet.
Përse na duhen të dhënat tuaja?
Shërbimet e Hidromoravës kërkojnë përpunimin e të dhënave personale të konsumatorëve. Përpunimi bëhet kryesisht për:
- lidhjen dhe menaxhimin e kontratave të furnizimit me ujë dhe kanalizim;
- faturimin dhe arkëtimin e pagesave;
- mirëmbajtjen e shërbimeve teknike;
- trajtimin e ankesave dhe kërkesave të konsumatorëve;
- përmbushjen e obligimeve ligjore dhe rregullatore.
Të dhënat personale përpunohen vetëm për qëllime të caktuara dhe nuk përdoren për ndonjë qëllim tjetër që është i papajtueshëm me ligjin.
Cilat të dhëna personale përpunojmë?
Hidromorava përpunon vetëm të dhënat që janë të domosdoshme për ofrimin e shërbimeve, duke përfshirë:
- emrin dhe mbiemrin;
- numrin personal;
- adresën e banimit dhe adresën e shërbimit;
- numrin e telefonit dhe adresën elektronike;
- numrin e konsumatorit dhe të kontratës;
- të dhënat financiare (faturat dhe pagesat);
- të dhënat e matjes së konsumit të ujit (leximet e ujëmatësve).
Të dhënat e konsumatorëve nuk përdoren për qëllime të tjera dhe ruhen vetëm për aq kohë sa është e nevojshme për realizimin e shërbimeve dhe përmbushjen e obligimeve ligjore.
Të drejtat tuaja lidhur me të dhënat personale
Ju, si konsumator, keni të drejta të garantuara me Ligjin për Mbrojtjen e të Dhënave Personale. Këto përfshijnë:
- të drejtën për të pasur qasje në të dhënat tuaja personale;
- të drejtën për korrigjim ose përditësim të të dhënave të pasakta ose të paplota;
- të drejtën për fshirjen e të dhënave personale, në rrethana të caktuara;
- të drejtën për të kundërshtuar përpunimin në situata specifike;
- të drejtën për kufizimin e përpunimit;
- të drejtën për të paraqitur ankesë pranë Agjencisë për Informim dhe Privatësi në rast të shkeljes së të drejtave tuaja.
Kush është përgjegjës për përpunimin e të dhënave?
Kontrollues i të dhënave është:
Kompania Rajonale e Ujësjellësit “Hidromorava” Sh.A.
Për çështjet që lidhen me mbrojtjen e të dhënave personale, person përgjegjës është:
Valon Maliqi
Zyrtar për Mbrojtjen e të Dhënave Personale
E-mail: valon.maliqi@kru-hidromorava.com
Nëse dëshironi të ushtroni ndonjë nga të drejtat tuaja, kërkesa duhet të dërgohet me shkrim në adresën e sipërshënuar ose përmes email-it zyrtar. Për qëllime verifikimi, mund t’ju kërkohet të paraqisni një dokument identifikimi, i cili përdoret vetëm për të konfirmuar identitetin dhe nuk ruhet më gjatë se sa është e nevojshme për këtë qëllim.
Na kontaktoni
Nëse keni ndonjë pyetje apo shqetësim lidhur me këtë politikë privatësie ose me trajtimin e të dhënave tuaja personale, ju lutemi na kontaktoni në:
Për payetje dhe informata ju lutem kontaktoni përsonin përgjegjës permes postes elektronike. valon.maliqi@kru-hidromorava.com